ആഗോളവൽക്കരണം

എനിക്കുണ്ട് മൊബൈൽ, നിനക്കുണ്ട് മൊബൈൽ
പിറന്നിടും കുരുന്നുകയ്യിലും മൊബൈൽ
ശ്രവ്യമാകുന്നസ്വരങ്ങളും പലവിധം
മറുകോണിലുള്ളമുഖങ്ങളും പലവിധം.
അന്വേഷണത്വര; നമ്മളാരാഞ്ഞാ-
ലുത്തരമൊന്നുമാത്രം - ആഗോളവൽക്കരണം

വികസനമതുദരിദ്രന്നുകിട്ടാക്കനി-
യതുസമ്പന്നവർഗത്തിന്നർത്ഥവികാസമായ്
ദൃഷ്ടിയിലില്ലാനെൽപ്പാടസൗന്ദര്യ-
മുയരുന്നുകോൺക്രീറ്റുമണിമന്ദിരങ്ങൾ
അന്വേഷണത്വര; നമ്മളാരാഞ്ഞാ-
ലുത്തരമൊന്നുമാത്രം - ആഗോളവൽക്കരണം

ഉയരുന്നുവാനോളം  മനുജന്റെകീർത്തികൾ

നിറയുന്നുവായുവിൽ കർമ്മഫലങ്ങൾ

തെരുവിന്റെകാഴ്ചകളെത്രയോദയനീയം

തെണ്ടികൾ, വാർദ്ധക്യവാസംനയിക്കുവോർ

അന്വേഷണത്വര; നമ്മളാരാഞ്ഞാ-
ലുത്തരമൊന്നുമാത്രം - ആഗോളവൽക്കരണം