അപകടസൂചന

കുരുടനാനവനേതും കാണില്ല; മറ്റവൻ

ബധിരനാണവനേതും കേൾക്കില്ല

കുരുതിക്കളങ്ങളോ കാണേണ്ട; ദീന-

രോദനബഹളങ്ങൾ കേൾക്കേണ്ട

ആശമൂത്താര്ത്തിപ്പിടിച്ചവർ;തൻ-

കീശവീർത്തിരിക്കാനായ് കൊതിക്കവേ

കൺതുറന്നൊന്നുമേ കാണില്ല

കാതുകൂർപ്പിച്ചു നിന്നവർ കേൾക്കില്ല

താന്താൻ നിരന്തരം ചെയ്തിടുംകർമ്മ-

ദോഷങ്ങൾവന്നു ഭവിക്കവേ

കല്ലിനെപാലൂട്ടിപ്രാർത്ഥിപ്പാൻ

കാശുവീശിയെറിയുന്നു മാനവർ

ആർത്തുപിടിച്ചു നടക്കിലോ

ആർക്കാനുദ്രോഹം കൊടുക്കിലോ

ആറുപത്താണ്ടുവളർന്നവർ

ആറടിമണ്ണിലൊതുങ്ങിടും